აშშ-ის პრეზიდენტმა დონალდ ტრამპმა ირანის წინააღმდეგ სამხედრო კამპანიის შემდგომი გაძლიერების გეგმაზე უარი განაცხადა. ამის შესახებ The New York Times საკუთარ წყაროებზე დაყრდნობით წერს.

გამოცემის ინფორმაციით, გადაწყვეტილების ერთ-ერთი მთავარი მიზეზი აშშ-ის შეიარაღებული ძალების საბრძოლო მასალების მარაგებთან დაკავშირებული რისკები გახდა.

წყაროების ცნობით, ტრამპმა გადაწყვეტილება მთავრობის წარმომადგენლებთან და სამხედრო მრჩევლებთან კონსულტაციების შემდეგ მიიღო. არსებული საფრთხეების შესახებ მას დეტალური ინფორმაცია შტაბების მეთაურთა გაერთიანებული კომიტეტის ხელმძღვანელმა დენ კოენმა მიაწოდა.

ამ ეტაპზე უცნობია, ნიშნავს თუ არა ეს გადაწყვეტილება ირანის წინააღმდეგ სამხედრო ზეწოლის სრულ შეჩერებას, თუმცა არსებული ინფორმაციით, ვაშინგტონი დამატებითი სამხედრო ნაბიჯების გადადგმის შესაძლებლობას კვლავ აფასებს.