ალაზნის ხიდთან ავტოსაგზაო შემთხვევა მოხდა — ერთმანეთს ორი მსუბუქი ავტომობილი შეეჯახა. ძლიერი შეჯახების შედეგად, რამდენიმე ადამიანი დაშავდა.
ადგილზე მობილიზებულმა სასწრაფო-სამედიცინო დახმარების ბრიგადებმა დაშავებულები სხვადასხვა სახის დაზიანებებით გურჯაანის „ჯეოჰოსპიტალსის“ კლინიკაში გადაიყვანეს.
კლინიკის მენეჯერის, გიორგი შათირიშვილის განცხადებით, ამ დროისთვის ექიმები ერთ-ერთი დაშავებული ქალის მდგომარეობის სტაბილიზაციაზე მუშაობენ. მისი თქმით, პაციენტის თბილისში გადაყვანის აუცილებლობა დამატებითი შეფასების შემდეგ გადაწყდება.
ავტოსაგზაო შემთხვევის ზუსტი მიზეზების დასადგენად, შემთხვევის ადგილზე სამართალდამცველები მუშაობენ.