მეტროს საბურთალოს ხაზზე დაახლოებით 20 წუთის განმავლობაში მოძრაობა შეფერხებული იყო.
მეტროსადგურ “სახელმწიფო უნივერსიტეტის” ხაზზე, ერთ-ერთი მგზავრი ლიანდაგებში ჩახტა და “ვაჟა-ფშაველას” მიმართულებით გვირაბში გაიქცა.
სატრანსპორტო კომპანიის ცნობით, შესაბამისმა სამსახურებმა, მგზავრის უსაფრთხოების მიზნით ძაბვის მიწოდება დროულად შეაჩერეს და აღნიშნული პირი უსაფრთხოდ ამოიყვანეს.
ამ ეტაპზე, აღნიშნული პრობლემა აღმოფხვრილია და საბურთალოს ხაზზე მოძრაობა აღდგენილია.