კორნუოლის სანაპიროსთან ნაპირზე მიტოვებული იახტის პოვნის შემდეგად დაწყებულია სამძებრო სამუშაოები.ინფორმაციას BBC ავრცელებს.

მედიის ინფორმაციით, სანაპირო დაცვამ გამორიყული იახტის შესახებ შეტყობინება ადგილობრივი დროით 20:15-ზე, მიიღო.

ადგილზე სამაშველო ჯგუფი, ვერტმფრენი და თვითმფრინავი გაგზავნეს. ასევე, ადგილზე დევონისა და კორნუოლის პოლიციის სამაშველო ნავები იმყოფებოდა.

სანაპირო დაცვამ განაცხადა, რომ ეკიპაჟებმა გემზე ვერავინ იპოვეს. სამძებრო ოპერაცია შაბათსაც გაგრძელდა,Coastguard-ის ცნობით, საძიებო სამუშაოები ძირითადად ზღვაში მიმდინარეობს.

მედიის ცნობით, ადგილზე ბრიტანეთის სამხედრო ძალების მესაზღვრე ოფიცრებიც გამოიძახეს. დაწყებულია გამოძიება.