ამერიკის პრეზიდენტმა უკრაინისთვის ხუთი ახალი სტრატეგიული საჰაერო თავდაცვის სისტემის მიწოდების პირობა დადო. ამის შესახებ BBC წერს.
გამოცემის ინფორმაციით, ნატოს სამიტის მისასალმებელ სიტყვაში ჯო ბაიდენმა ასევე აღნიშნა, რომ გერმანიასთან, იტალიასთან, ნიდერლანდებთან და რუმინეთთან პარტნიორობით, უკრაინის დასახმარებლად „პატრიოტის“ სისტემებს დონაციის სახით გაიღებს.
„ავტოკრატები ცდილობენ დაარღვიონ გლობალური წესრიგი, რომელსაც თითქმის 80 წელია ვინარჩუნებთ. ევროპაში გრძელდება პუტინის აგრესიის ომი უკრაინის წინააღმდეგ. პუტინს უკრაინის სრული დამორჩილება სურს, თუმცა უკრაინას შეუძლია და აუცილებლად შეაჩერებს პუტინს, განსაკუთრებით ჩვენი კოლექტიური მხარდაჭერით. უკრაინას ჩვენგან სრული მხარდაჭერა აქვს“, – განაცხადა ბაიდენმა.