ლეგენდარულ ქართველ მოჭიდავეს ლევან თედიაშვილს ხვალ დაკრძალავენ. სპორტის სასახლეში დილიდან სამოქალაქო პანაშვიდი, 14:00 საათზე კი გამოსვენების ცერემონია გაიმართება.
ლევან თედიაშვილს საგარეჯოში დაკრძალავენ.

ლევან თედიაშვილი 75 წლის ასაკში 17 თებერვალს გარდაიცვალა.

ლევან თედიაშვილი იყო ოლიმპიური თამაშების ორგზის ჩემპიონი (1972, 1976) ჭიდაობაში, მსოფლიოს 4-გზის (1971, 1973, 1974, 1975) და ევროპის 3-გზის ჩემპიონი (1974, 1976, 1978). მსოფლიო თასის მფლობელი (1973), ასევე მსოფლიო ჩემპიონი სამბოში (1973). ლევან თედიაშვილი ვახტანგ გორგასლის II ხარისხის ორდენის, საერთაშორისო ოლიმპიური კომიტეტის, ჭიდაობის საერთაშორისო ფედერაციის (FILA) დიდების დარბაზის წევრი, ღირსების ორდენების კავალერი იყო. 1973 წელს დასახელებული იყო საბჭოთა კავშირის საუკეთესო სპორტსმენად.