13 თებერვალი რადიოს მსოფლიო დღეა. 2024 წელს რადიოს მსოფლიო დღის მთავარი იდეა ინფორმირების, განათლებისა და გართობის ერთი საუკუნეა.
13 თებერვალი იუნესკო-მ რადიოს მსოფლიო დღედ 2011 წელს გამოაცხადა. 1946 წელს სწორედ ამ დღეს შეიქმნა გაერო-ს რადიო. რადიოს მსოფლიო დღე წელს მეცამეტედ აღინიშნება.
მსოფლიოში პირველად, რეგულარული რადიომაუწყებლობა ამერიკის შეერთებულ შტატებში, პიტსბურგში 1921 წლის ნოემბერში დაიწყო.
საქართველოში პირველი რადიოსიგნალი 1925 წელს გადაიცა. 2025 წელს კი საქართველოში პირველი რადიომაუწყებლობიდან 100 წელი შესრულდება.