თურქეთის საგარეო საქმეთა მინისტრმა განაცხადა, რომ რეჯეფ თაიფ ერდოღანისა და ვლადიმირ პუტინის შეხვედრის მთავარი თემა უკრაინაში ომი და მარცვლეულის შეთანხმება იქნება. ინფორმაციას ამის შესახებ სააგენტო Reuters-ი ავრცელებს.
თურქეთის საგარეო უწყების ხელმძღვანელმა აღნიშნა, რომ ანკარა აფასებს რეგულარულ დიალოგს მოსკოვთან უამრავ საკითხზე, როგორიცაა ენერგეტიკა, სირია, ლიბია და სამხრეთ კავკასია.
“ჩვენ ყოველთვის ვუჭერდით მხარს უკრაინის ტერიტორიულ მთლიანობას და გავაგრძელებთ უკრაინის მხარდაჭერას, მაგრამ ომის დესტრუქციული გავლენაც როგორმე უნდა დასრულდეს”, – აღნიშნა თურქეთის საგარეო საქმეთა მინისტრმა.