უკრაინამ ევროკავშირთან კონსულტაციები დაიწყო კოლექტიური უსაფრთხოების გარანტიებთან დაკავშირებით. ინფორმაციას ამის შესახებ უკრაინული მედია პრეზიდენტის ოფისზე დაყრდნობით ავრცელებს.
კონსულტაციების დროს მხარეებმა გაცვალეს ხედვები ევროკავშირის უსაფრთხოების სამომავლო გარანტიებისადმი მიდგომების შესახებ და ყურადღება გაამახვილეს უსაფრთხოებისა და თავდაცვის სეგმენტზე.
უკრაინულმა მხარემ აღნიშნა, რომ უკრაინის მომავალი გაწევრიანება ევროკავშირში თავისთავად იქნება უკრაინისა და მთლიანად ევროპული საზოგადოების უსაფრთხოების მძლავრი გარანტია.