https://www.fapjunk.com https://pornohit.net london escort london escorts buy instagram followers buy tiktok followers
მთავარითავდაცვაგაწვევის სამსახური გადადის თავდაცვის სამინისტროში 2024 წლის პირველი იანვრიდან და ასევე, 2025...

გაწვევის სამსახური გადადის თავდაცვის სამინისტროში 2024 წლის პირველი იანვრიდან და ასევე, 2025 წლიდან ყველა წვევამდელი სამსახურს გაივლის თავდაცვის სამინისტროში – ირაკლი ღარიბაშვილი

გაწვევის სამსახური გადადის თავდაცვის სამინისტროში 2024 წლის პირველი იანვრიდან და ასევე, 2025 წლიდან ყველა წვევამდელი სამსახურს გაივლის თავდაცვის სამინისტროში, – ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის დღევანდელ სხდომაზე განაცხადა.

როგორც პრემიერმა აღნიშნა, თავდაცვის კოდექსით დარეგულირდება „გირჩის“ ინიციატივა, რომლის შედეგადაც ბევრი ახალგაზრდა შეცდომაში იქნა შეყვანილი.

„მოგეხსენებათ, რომ პარლამენტმა რამდენიმე დღის წინ მიიღო ძალიან მნიშვნელოვანი თავდაცვის კოდექსი. ამაზე ჩვენ დიდი ხანია, ვმუშაობდით. მინდა, მადლობა გადავუხადო პარლამენტს. ეს არის ეროვნული მნიშვნელობის კოდექსი, რომელიც ბევრ საკითხს აწესრიგებს. პირველი, მინდა, გამოვყო „გირჩის“ მავნებლური ე.წ. ინიციატივა, რომლის შედეგადაც ბევრი ახალგაზრდა იქნა შეცდენილი და არასწორ გზაზე იქნა დაყენებული. ჩვენ ამით დავასრულეთ „გირჩის“ მავნებლობა. ეს ერთი საკითხი მინდა, გამოვყო; ასევე, მთელი რიგი საკითხები მოწესრიგდა და მთელი რიგი გარანტიები ჩაიდო როგორც ჩვენი სამხედრო მოსამსახურეების, ასევე, ზოგადად, წვევამდელებისთვისაც. გაწვევის სამსახური გადადის თავდაცვის სამინისტროში 2024 წლის პირველი იანვრიდან. ასევე, მინდა ვთქვა, რომ 2025 წლიდან ყველა წვევამდელი სამსახურს გაივლის თავდაცვის სამინისტროში. სხვადასხვა უწყებიდან მოგვყავს წვევამდელები და მხოლოდ თავდაცვის სამინისტროში მოხდება გაწვევა. შევიმუშავეთ ეფექტური კურსები. მინიმალური იქნება ექვსთვიანი კურსი. ასევე, არის რვა და 12-თვიანი კურსები, იმის მიხედვით, ვის როგორი გეგმები აქვს და სამომავლო კარიერა როგორ უნდა, რომ დაგეგმოს. ასე რომ, წვევამდელები, მინიმუმ, ექვს თვეს გაივლიან ჯარში, თავდაცვის სამინისტროში“, – განაცხადა ირაკლი ღარიბაშვილმა.

მისივე თქმით, ახალგაზრდებისთვის ასევე მნიშვნელოვანია კოდექსით გათვალისწინებული ახალი ინიციატივა, რომლის მიხედვითაც, სტუდენტს შეეძლება, ჩაერთოს პროცესში. კერძოდ, წლის განმავლობაში ერთი თვე დაჰყოს სამხედრო ბაზაზე და გაიაროს საბაზისო თეორიული და პრაქტიკული მომზადება.

„ვფიქრობ, ეს ძალიან მნიშვნელოვანი იქნება. ოთხი წლის განმავლობაში სტუდენტს შეეძლება, რომ ჯარში დაჰყოს, ჯამში, ოთხი თვე, ამის შემდეგ ჩაეთვლება ნამსახურებად და მიიღებს სამხედრო მოწმობას. ეს ძალიან მნიშვნელოვანი ინიციატივაა. რაც მთავარია, ამ კოდექსით შეიქმნება რეზერვის მყარი საფუძველი. ჩვენი გათვლებით, სულ რაღაც სამ-ოთხ წელიწადში, წელიწადში მოვამზადებთ ცხრა-ათ ათას წვევამდელს, რაც ძალიან დიდი შედეგი იქნება და ათწლიან პერსპექტივაში 100 000 ახალგაზრდა გვეყოლება მომზადებული, რომლებიც ჩაირიცხებიან ქვეყნის რეზერვში. ეს აძლიერებს რეზერვის სისტემას და ეს არის ეროვნული მნიშვნელობის ინიციატივები. კიდევ ერთხელ მადლობა პარლამენტს, სამინისტროს, ვინც ჩართული იყო ამ მნიშვნელოვანი დოკუმენტის შექმნაში“, – აღნიშნა პრემიერ-მინისტრმა.

პოპულარული სიახლეები