მთავარიმსოფლიოსერბეთის საგარეო საქმეთა მინისტრის ინფორმაციით, კოსოვოს აღიარება კიდევ ერთმა ქვეყანამ გააუქმა

სერბეთის საგარეო საქმეთა მინისტრის ინფორმაციით, კოსოვოს აღიარება კიდევ ერთმა ქვეყანამ გააუქმა

სერბეთის ხელისუფლების ინფორმაციით, კოსოვოს აღიარების გადაწყვეტილება კიდევ ერთმა ქვეყანამ გააუქმა.

ქვეყნის საგარეო საქმეთა მინისტრის, ივიცა დაჩიჩის განცხადებით, 2020 წლის შემდეგ კოსოვოს აღიარება უკვე მეათე ქვეყანამ გააუქმა.

ამასთან, ბელგრადი საჯაროდ არ ასახელებს იმ ქვეყნებს, რომლებმაც გააუქმეს კოსოვოს აღიარება, მაგრამ, ადგილობრივი მედიის ცნობით, ესენი არიან აფრიკის, ოკეანიისა და კარიბის ზღვის ქვეყნები. რაც შეეხება იმას, თუ რატომ არ სურს სერბეთს იმ ქვეყნების გასაჯაროება, რომლებმაც კოსოვოს აღიარება გააუქმეს, სერბეთის საგარეო უწყების ხელმძღვანელმა ახსნა იმით, რომ არ უნდათ, ისინი დაექვემდებარონ რაიმე ზეწოლას პრიშტინას მოკავშირეების მხრიდან. ამჟამად კოსოვოს დამოუკიდებლობას გაერო-ს 193 წევრიდან 88 აღიარებს, შესაბამისად, ნაწილობრივ აღიარებულმა სახელმწიფომ ვერ მიაღწია ორგანიზაციაში გაწევრიანებას, რისთვისაც საჭიროა წევრთა ორი მესამედის ხმები.

პოპულარული სიახლეები