უკრაინის ქალაქებიდან, მარიუპოლიდან და ვოლნოვახიდან სამოქალაქო მოსახლეობის ევაკუაცია იწყება. ამის შესახებ ინფორმაციას უკრაინის პრეზიდენტის ადმინისტრაციის ხელმძღვანელის მრჩეველი მიხეილ პოდოლიაკი ავრცელებს.
„9:00 საათიდან „სიჩუმის რეჟიმი“ გამოცხადდა. ვადასტურებთ ინფორმაციას, რომ შეიქმნება ჰუმანიტარული დერეფნები. რაც შეეხება ქალაქების რაოდენობას, ეს მხოლოდ დასაწყისია. შეიქმნება სამუშაო მოდელი, რის შემდეგაც ევაკუაცია სხვა ქალაქებიდან და სოფლებიდანაც განხორციელდება“, – ამბობს პოდოლიაკი.
უკრაინა-რუსეთის მოლაპარაკებების მეორე რაუნდი 3 მარტს გაიმართა. მხარეები მხოლოდ ჰუმანიტარული დერეფნების ორგანიზებაზე შეთანხმდნენ.