მთავარიპოლიტიკასალომე ზურაბიშვილი - რუსეთიდან თუ შემოვლენ მშვიდობიანად და არა დამახინჯებული ზრახვებით, მისასალმებელი...

სალომე ზურაბიშვილი – რუსეთიდან თუ შემოვლენ მშვიდობიანად და არა დამახინჯებული ზრახვებით, მისასალმებელი იქნება

ყველაფერი შეიძლება მოხდეს ამ სამყაროში, სადაც პროგნოზირებადი არაფერია. ვფიქრობ, მთავარია, დღეს უკრაინის მხარდაჭერა, რომელიც მართლაც სამაგალითო წინააღმდეგობას ავლენს, – ამის შესახებ საქართველოს პრეზიდენტმა სალომე ზურაბიშვილთან „ბლუმბერგთან“ ინტერვიუში განაცხადა.

მისივე თქმით, ამ მხარდაჭერის აუცილებლობაზე ისაუბრა ცოტა ხნის წინ თბილისში, რუსთაველის გამზირზე შეკრებილი მოქალაქეებისადმი მიმართვის დროსაც.

„სამწუხაროდ, ვლადიმერ პუტინის გონებაში არ ვარ, რომ ვიცოდე, როდის და სად გაჩერდება. მე მაქვს ორმაგი გამოცდილება ჩემს ცხოვრებაში, 2008 წელს, რუსეთთან ომში, რომელიც თქვენ ახსენეთ და რომელიც დასრულდა რუსეთის მიერ საქართველოს ტერიტორიის 20%-ის ოკუპირებით. ასევე მაქვს 2005 წელს რუსეთთან მოლაპარაკების გამოცდილება და ამ მოლაპარაკებების გზით რუსული სამხედრო ბაზების გაყვანის გამოცდილება. ასე რომ, ყველაფერი შეიძლება მოხდეს ამ სამყაროში, სადაც პროგნოზირებადი არაფერია. ვფიქრობ, დღეს მთავარია უკრაინის მხარდაჭერა, რომელიც მართლაც სამაგალითო წინააღმდეგობას ავლენს ამ უკიდურესობის მიმართ და ეს არის ის, რაც უნდა გვახსოვდეს.

სულ რამდენიმე წუთის წინ, პარლამენტის წინ, სადაც ათასობით ქართველი იყო შეკრებილი, პრეზიდენტმა ზელენსკიმ ქართველ ხალხს მიმართა ევროპის დედაქალაქებთან ერთად. მე ჩემს ხალხს მივმართე, რომ ჩვენ მხარი უნდა დავუჭიროთ უკრაინას, რადგან ეს არის ის ღირებულებები, რომელსაც საქართველო იცავს – თავისუფლებას და დამოუკიდებლობას. ვფიქრობ, ეს ის ღირებულებებია, რომელსაც მთელი დემოკრატიული სამყარო იცავდა და უნდა იცავდეს. ყოველგვარი გაგების გარეშე, ჩვენ მეომრები არ ვართ, ჩვენ არ ვართ ისინი, ვინც ანადგურებს ქვეყნებს, ჩვენ ვართ დემოკრატიული ქვეყნები. ჩვენი მიზნები არის თავისუფლების დაცვა თავისუფალი ხელებით, მაგრამ ძალიან ძლიერი მონდომებით“, – განაცხადა სალომე ზურაბიშვილმა.

როგორც სალომე ზურაბიშვილმა განაცხადა, საქართველოს წინააღმდეგობა, მტკიცე რწმენა თავისუფლებისა და დამოუკიდებლობის მიმართ უფრო ძლიერია, ვიდრე თავდასხმები დამოუკიდებელ სახელმწიფოებზე.

„მოგეხსენებათ, ჩვენ ოკუპირებული ვიყავით 2008 წელს, ჩვენ ვიბრძოდით რუსეთთან, დამოუკიდებლობის მოპოვების შემდეგ 199-1992 წლებში. ჩვენ ოკუპირებულები ვიყავით 1921 წელს. ჩვენი სამეფო იქნა ანექსირებული რუსეთის მიერ 1801 წელს. ასე რომ, ჩვენ გვაქვს ყველა მიზეზი, ვიყოთ შეწუხებულები ამით, მაგრამ ჩვენ ასევე გვაქვს ყველა მიზეზი, ვიყოთ დარწმუნებულები, რომ საქართველოს წინააღმდეგობა, მტკიცე რწმენა თავისუფლებისა და დამოუკიდებლობის მიმართ უფრო ძლიერია, ვიდრე ეს თავდასხმები დამოუკიდებელ სახელმწიფოებზე. ვფიქრობ, სანქციები, რომლებიც ევროკავშირმა და შეერთებულმა შტატებმა გადაწყვიტეს, ძალიან ერთიანი და მტკიცე გზით აპირებს,აჩვენოს რუსეთს და რუსს ხალხს, რომ ისინი ვერაფერს გააკეთებენ ნებისმიერ დროს, როგორც მათ მოესურვებათ.

კითხვაზე: ევროკავშირი უნდა მიეგებოს სამ ქვეყანას და რას ფიქრობთ, როგორ გააუმჯობესებს ევროკავშირი საქართველოს უსაფრთხოებას, ზურაბიშვილმა განაცხადა, რომ ეს არის საქართველოს ღირებულებები, ადგილი, სადაც ქვეყანა უნდა იყოს მიზეზგარეშე.

„ეს სულაც არ გააუმჯობესებს უსაფრთხოებას, ყოველ შემთხვევაში, თავიდან, მაგრამ ეს არის ჩვენი ღირებულებები, ეს არის ჩვენი ოჯახი და ეს არის ადგილი, სადაც ჩვენ უნდა ვიყოთ მიზეზგარეშე, რადგან ევროპის ხალხებს ვუზიარებთ ჩვენს წარსულს, ჩვენს ცივილიზაციას, ჩვენს ქრისტიანულ ცივილიზაციას და ჩვენს მომავალს. ასე რომ, უსაფრთხოება იქნება გაზიარებული, რადგან ახლა ვერავინ ბედავს დაპირისპირებას და ვფიქრობ, ძლიერი ევროპა კიდევ უფრო გაძლიერდება და ბოლო დღეებში ევროკავშირი, ევროპა ხდება გამორჩეული, რაც ალბათ არ იყო ვლადიმირ პუტინის გეგმებში. ევროპა, რომელიც არ ლაპარაკობს იარაღზე, რომელიც საუბრობს ეკონომიკაზე, განვითარებაზე, კეთილდღეობაზე, დემოკრატიულ ღირებულებებზე, ადამიანის უფლებებზე და ეს არის ის, რაც ერთ დღეს მოვა“, – განაცხადა ზურაბიშვილმა.

ამასთან, სალომე ზურაბიშვილმა კითხვის საპასუხოდ ისაუბრა რუსეთიდან ვიზიტორების მომრავლებაზე, რასთან დაკავშირებითაც განაცხადა:

„არ მგონია, იყოს უსაფრთხოების გამოწვევები, არ ვეთანხმები ამ ხედვას. მგონია, რომ რუსები, რომლებიც საზღვარს კვეთენ საქართველოში ჩამოსასვლელად, ალბათ არ არიან იმ სურათით კმაყოფილები, რასაც იღებენ დღეს მთავრობიდან. თუ ისინი მოვლენ მშვიდობიანად და არა რაიმე დამახინჯებული ზრახვებით, მისასალმებელი იქნება, რადგან ვფიქრობ, დღეს მე რომ ვიყო რუსი, არ ვიქნებოდი დიდად ამაყი და არ გავაგრძელებდი რუსეთში ცხოვრებას“, – აღნიშნა სალომე ზურაბიშვილმა.

 

 

 

 

 

პოპულარული სიახლეები