შსს-ს ცნობით, ტელეკომპანია „ფორმულას“ მძღოლის კუთვნილი ავტომობილის დაზიანების ფაქტზე გამოძიება მიმდინარეობს

საქართველოს შინაგან საქმეთა სამინისტრო ტელეკომპანია „ფორმულას“ თანამშრომლის კუთვნილი ავტომობილის დაზიანების ფაქტთან დაკავშირებით განცხადებას ავრცელებს.

„შინაგან საქმეთა სამინისტროს ქვემო ქართლის პოლიციის დეპარტამენტმა სოფელ გამარჯვებაში ერთ-ერთი მოქალაქის კუთვნილი ავტომობილის დაზიანების შესახებ შეტყობინების მიღებისთანავე დაიწყო საგამოძიებო ღონისძიებები. გამოიკითხა ავტომობილის მფლობელი, რომელმაც აღნიშნა, რომ არის ტელეკომპანია „ფორმულას“ მძღოლი. მომხდარ ფაქტზე გამოძიება სისხლის სამართლის კოდექსის 187-ე მუხლით მიმდინარეობს.

რაც შეეხება მეორე ფაქტს, რომელზეც ტელეკომპანია „ფორმულა“ საუბრობს, შინაგან საქმეთა სამინისტროში აღნიშნულ ფაქტთან დაკავშირებით შეტყობინება არ შემოსულა. ინფორმაციის მიღებისთანავე, უწყება შესაბამის სამართლებრივ რეაგირებას მოახდენს“, – აღნიშნულია განცხადებაში.

მაჩვენე მეტი

სხვა სტატიები

Back to top button