ვახტანგ გომელაური: 2008 წლის ომის შემდეგ ჩვენი გმირების გვამები ისევ ტყეებში ესვენა და თბილისში კონცერტები იმართებოდა, რას ზეიმობდნენ?!

შინაგან საქმეთა მინისტრმა, ვახტანგ გომელაურმა შინდისის გმირების მემორიალი გვირგვინით შეამკო და დაღუპულთა ხსოვნას პატივი მიაგო.

როგორც მინისტრმა ჟურნალისტებთან საუბრისას განაცხადა, ხელისუფლება ოკუპაციის შედეგების საპასუხოდ მის ხელთ არსებულ ყველა ბერკეტს იყენებს.

„ჩვენ ყველაფერს ვაკეთებთ ჩვენი მეგობრების, საერთაშორისო ორგანიზაციების ჩართულობით. სხვას ვერაფერს გავაკეთებთ, ვერ დავიწყებთ ომს. ვინც ჩვენ მაგას გვეუბნება, რატომ არაფერს აკეთებს ხელისუფლება, ზუსტად ისინი იყვნენ ხელისუფლებაში და კითხვას თუ დაუსვამთ მათვე, რატომ მოხდა 2008 წლის ომი, ძალიან კარგი იქნება. ასევე, უფრო კარგი იქნება, კითხვა რომ დაუსვათ – 2008 წლის ომის შემდეგ ჩვენი გმირების გვამები ისევ მინდორზე, ტყეებში რომ
ესვენა და თბილისში კონცერტები იყო გამართული, რატომ ხდებოდა? რას ზეიმობდნენ? ვიდრე ჩვენ გვკითხავენ რამეს, უფრო კარგი იქნება, ეს კითხვა რომ დაუსვათ მათ“, – განაცხადა ვახტანგ გომელაურმა.

2008 წლის 11 აგვისტოს შინდისში 17 სამხედრო გმირულად დაეცა.

მაჩვენე მეტი

სხვა სტატიები

Back to top button