აკრძალულია მგზავრის დაშვება პირბადის გარეშე და ტრანსპორტში ფეხზე მდგომი მგზავრის აყვანა

ტრანსპორტის ამოქმედებასთან და მგზავრობის დროს დაწესებულ შეზღუდვებთან დაკავშირებით კომპანია “თბილისის მიკროავტობუსი” განცხადებას ავრცელებს:

კომპანიის ცნობით,  29 მაისიდან სრულად აღდგება კომპანიის დაქვემდებარებაში არსებული ავტოსატრანსპორტო საშუალებებით მგზავრთა მომსახურეობა, საკოორდინაციო საბჭოს მიერ დადგენილი შეზღუდვების გათვალისწინებით.

“აკრძალულია მგზავრის დაშვება მიკროავტობუსში დამცავი პირბადის გარეშე, ასევე აკრძალულია სატრანსპორტო საშუალებაში ფეხზე მდგომი მგზავრის აყვანა, აიკრძალა გაგრილების სისტემის ჩართვა და ასევე სავალდებულოა სატრანსპორტო საშუალების ღია ფანჯრებით გადაადგილება.

ამასთან, ერთად მოგახსენებთ რომ COVID19 -ის გავრცელებისგან თავის დაზღვევის მიზნით კომპანია “თბილისის მიკროავტობუსი” სატრანსპორტო ხაზზე გასულ ყველა მიკროავტობუსს ავტოფარეხში დაბრუნებისთანავე ყოველდღე ჩაუტარებს დეზინფექციას.

კომპანია “თბილისის მიკროავტობუსი” წინასწარ მადლობას უხდის მგზავრებს დაწესებული შეზღუდვების გათვალისწინებისთვის,”- ნათქვამია განცხადებაში.

მაჩვენე მეტი

სხვა სტატიები

Back to top button