თიკო შუშანაშვილი:დღეს იმდენად აქტიურად მუშაობს ინტრიგანი მშობლის იარლიყი, რომ მშობლები დიდი სიფრთხილით ეკიდებიან სკოლასთან ურთიერთობას

საინფორმაციო პორტალ ” newsplus.ge” რედაქტორი

ძალიან იმოქმედა ჩემზე , ქუთაისის ერთერთ საჯარო სკოლაში მომხდარმა ფაქტმა, ორ მოსწავლეს შორის, აი ამიტომ არის საჭირო მშობლების აქტიური ჩართულობა.მეც დედა ვარ და ეს საკითხი ძალიან მოქმედებს ჩემზე, ყველა მშობელმა უნდა იცოდეს რა უფლებებით სარგებლობს სკოლაში, ყველა მშობელი ვალდებულია აქტიურად ჩაერთოს შვილის განვითარება-ჩამოყალიბებაში, რასაც მხოლოდ სკოლა ვერ მისცემს ბავშვებს.

– მშობელთა ჩართულობის საკითხი საქართველოში თანდათან აქტიურდება. სულ უფრო მეტი მშობელი, მასწავლებელი და სკოლის დირექტორი ხვდება, რომ მოსწავლის ოჯახის მონაწილეობის გარეშე სკოლა ვერ შეასრულებს ზოგადი განათლების ეროვნულ მიზნებს.განვითარებულმა ქვეყნებმა ეს გზა დიდი ხნის წინ გაიარეს. ბევრი ათეული წელია ისინი მშობლებს განიხილავენ, როგორც პარტნიორს და ეძებენ მათში ბავშვებისთვის საჭირო რესურსს. მშობლებთან სწორი კომუნიკაციის შემთხვევაში ყველა კლასში მოიძებნებიან მშობლები, რომლებიც დროს და ენერგიას ბავშვების სასიკეთოდ დახარჯავენ. ზოგჯერ ჰგონიათ, რომ მშობელთა ჩართულობა ჰიპერაქტიურ მშობლობას ნიშნავს, ანუ დღედაღამ სკოლაში დგომას და ჩასაფრებულის პოზიციაში ყოფნას. არა, მშობელთა ჩართულობა ნიშნავს მათ მონაწილოებას რეგულარულ, მრავალმხრივ კომუნიკაციაში, მოსწავლის სასწავლო პროცესში და სკოლის სხვადასხვა ღონისძებებში:

დღეს იმდენად აქტიურად მუშაობს ინტრიგანი მშობლის იარლიყი, რომ მშობლები დიდი სიფრთხილით ეკიდებიან სკოლასთან ურთიერთობას. ეშინიათ, რადგან ასეთ მშობლებს ხშირად ინტრიგანი და მეტიჩარა მშობლების იარლიყებით ამკობენ. ასეთი მშობლების შვილები კი სკოლაში თავს უსაფრთხოდ ვეღარ გრძნობენ. ცხადია, ამ ვითარებაში მშობლებისა და სკოლის სწორი კომუნიკაცია დიდი გამოწვევაა.

სკოლისა და მშობლების ურთიერთობას რამდენიმე კანონი და ნორმატიული აქტი არეგულირებს. ყველაზე მთავარი დოკუმენტები, რასაც მშობელი უნდა იცნობდეს არის, ზოგადი განათლების შესახებ კანონი, სკოლის შინაგანაწესი, ხელშეკრულება, რომელსაც სკოლა უფორმებს, მასწავლებლისა და დირექტორის პროფესიული ეთიკის კოდექსები და ეროვნული სასწავლო გეგმა.

აუცილებელია, გაიზარდოს სკოლის ავტონომიურობის ხარისხი. სამეურვეო საბჭოს კომპონენტი ამოქმედდეს არა ფიქტიურად, როგორც დღეს არის, არამედ დემოკრატიული პრინციპების დაცვით. სკოლამ უნდა გაუღოს კარი მშობელს და გამჭვირვალე გახადოს პროცესები. ავტორიტარული სტილი შეიცვალოს ჰუმანური მიდგომებით. ჩვენ ვფიქრობთ, რომ დირექტორს მეტი ბერკეტი უნდა ჰქონდეს სკოლიდან გაუშვას მასწავლებელი, რომელიც დაკისრებულ მოვალეობას ცუდად ან საერთოდ ვერ ასრულებს. ნულოვანი ტოლერანტობა უნდა გამოუცხადოს ძალადობას და დანერგოს ღირებულებითი სწავლების კომპონენტი.

შეიძლება ითქვას, რომ მშობელთა თაობისთვის არ არის ადვილი იმ კლიშეების, წარმოდგენების და სტერეოტიპების დარღვევა, რომელიც მოგვყვება იმ პერიოდიდან, როცა ჩვენ ვიყავით მოსწავლეები. აქედან გამომდინარე, მათი უდიდესი ნაწილი ნაკლებად გამბედავია, როდესაც საქმე ეხება სკოლისგან გარკვეული ვალდებულებების შესრულების მოთხოვნას. თუმცა, ჩვენი შვილების თაობა განსხვავებული ინდივიდები არიან. მათ შეიძლება არ იციან უფლებები, მაგრამ ძალიან კარგად იციან, როგორი უნდა იყოს მასწავლებლის ქცევა, რა ცოდნა უნდათ, რომ მიიღონ, რა აინტერესებთ, რითი მოიხიბლებოდნენ. ისინი უფრო მეტად ხედავენ იმ პრობლემებს, რაც სკოლაშია და უფრო ადეკვატურია მათი რეაქცია ძალადობრივი გარემოს, მოუწესრიგებელი ინფრასტრუქტურის მიმართ, ვიდრე მშობლებს წარმოუდგენიათ. ჩვენ, მშობლები მიჩვეულები ვიყავით იმას, რომ არც თუ ისე ჯანსაღ გარემოში გვიწევდა სწავლა, აქედან გამომდინარე, ამ თაობის მშობლებს გაცილებით ნაკლები პრეტენცია აქვთ, ვიდრე მათ შვილებს.-,, აღნიშნა ”newsplus.ge” რედაქტორმა თიკო შუშანაშვილმა.

-თიკო როგორც ვიცით , ძალიან აქტიურად ხარ ჩართული ამ პროცესში, რადგან შენი შვილიც მოსწავლეა.

კი ასეა , ის ჯერ 10 წლის არის თუმცა უკვე საკმაო პრობლემებს ვაწყდებით… ეს ის ასაკია როდესაც უფრო მეტი ყურადღება საჭირო მშობლის მხრიდან, შეძლებისდაგვარად ვცდილობ გავუფრთხილდე მის ემოციურ თუ სხვა მდგომარეობას და დავეხმარო მათ გადაჭრაში.

-რა სახის სირთულეებს აწყდებით?

ძირითადად რაც ამ ასაკთან არის დაკავშირებული, თუმცა გარდა ამისა ძალიან მგრძნობიარე და თავმოყვარე ბავშვია, ამიტომ ყველაფერს უფრო მძაფრად აღიქვამს.  სულ ვცდილობ მაქსიმალურად მობილიზებული ვიყო და გრძნობდეს რომ ნებისმიერ შემთხვევაში მის გვერდით ვარ…

-შენი ასეთი ყურადღება თუ ყოფილა ვინმესთვის მიუღებელი და განსჯის საკითხი?!

კი ყოფილა ასეთი შემთხვევა თუმცა ნაკლებად მაინტერესებს სხვა რას ფიქრობს, მთავარია სწორად და დადებითად ჩაერიო შვილის ცხოვრებაში, სკოლა იქნება ეს თუ სხვა…

 

მოამზადა:ნათია ბერიძემ

 

 

მაჩვენე მეტი

სხვა სტატიები

Back to top button