ზაზა ხუციშვილი: ასეთ ქაოსში ტყვია სად გავარდა და ვის მოხვდა, ამის დადგენას დრო სჭირდება

„ასეთ ქაოსში, რომელი ტყვია საით გავარდა და ვის რომელი მოხვდა, ამის დადგენა არის ძალიან რთული და  გონივრული დრო სჭირდება“, – ამის შესახებ „ქართული ოცნების“ დეპუტატმა ზაზა ხუციშვილმა განაცხადა.

დეპუტატი მიიჩნევს, რომ 20 ივნისის ღამეს შინაგან საქმეთა მინისტრმა გიორგი გახარიამ პარლამენტი და დეპუტატები დიდი საფრთხისგან დაიცვა.

„თუ ვართ სამართლიანები, პირველი დავიწყოთ იმით, რომ არა ის შტურმი 2 საათზე მეტი დროის, არაფერი არ მოხდებოდა, ეს ადამიანები იდგებოდნენ  რამდენი ხანიც უნდოდათ და დაიშლებოდა სახლში. მე აქედან ვუყურებდი მოვლენებს და მინდა, გითხრათ, გიორგი გახარიას უწყებამ, ჩვენ პარლამენტი და დეპუტატები დაიცვა ძალიან დიდი საფრთხისგან. აღიარა კაცმა, რომ სადაც მოხდა გადაცდომა და ამის ნიშნები იკვეთება, 10-ს შეუწყდა უფლებამოსილება და 2-ზე იკვეთება სისხლის სამართლის ნიშნები. კიდევ ერთხელ გიმეორებთ, ასეთ ქაოსში, რომელი ტყვია საით გავარდა და ვის რომელი მოხვდა, ამის დადგენა არის ძალიან რთული, ამიტომ ამას სჭირდება გონივრული დრო და ძალიან დიდი იმედი მაქვს, რომ ამას პასუხები გაეცემა“, – განაცხადა ზაზა ხუციშვილმა.

მაჩვენე მეტი

სხვა სტატიები

Back to top button